விரிதடங்கள் எனப்படும் ஸ்ட்ரெட்ச் மார்க்குகளை நீக்குவதற்கான பாதுகாப்பான, நேர்த்தியான சிகிச்சைகள்

இந்த ஸ்ட்ரெட்ச் மார்க்ஸ் அல்லது விரிதடங்களை தோல் மருத்துவத்தில் ஸ்ட்ரியே என்று குறிப்பிடுவார்கள். நமது சருமத்தில் மெல்லிய கோடுகள், வரம்புகள் விழுவது போலவே இவையும் சற்று ஆழமாகவே ஏற்படுகின்றன. இவை பொதுவாக சிவப்பாகவோ அல்லது ஊதா நிறத்திலோ இருக்கும். மெதுவாக அவை வெள்ளை நிறம்/வெள்ளி நிறத்தில் மாறும். இவை நமது அடிவயிறு, பின்பகுதி, தொடை, கைகள், தோள்கள், மார்பகங்கள் போன்ற பகுதிகளில் தோன்றும். பெரும்பாலும் இவை கர்ப்பகாலத்திலும் ஒருவரது எடை மிக அதிகமாகும்போதும் சருமத்தில் தோன்றும்.

மரபு சார்ந்த காரணங்கள், நமது சருமத்தின் புதுப்பித்துக் கொள்ளும் திறன், ஆகியவற்றைப் பொருத்து நமது சருமத்தில் உள்ள விரிதடங்களின் தீவிரமும், பரவும் தன்மையும் மாறுகின்றன. ஆண் பெண் இருபாலாருக்கும் ஏற்படலாம். பெண்களுக்கு சற்று அதிகம் என்று கூறலாம். நமது சருமத்தின் தசை நார்களின் தன்மை/பாதிப்பு, கொலாஜன், எலாஸ்டின் போன்றவற்றின் சுரப்பி ஆகிய காரணங்களைப் பொருத்து விரிதடங்கள் ஏற்படுகின்றன. அவை தாமாகவே மறையும் என்று எதிர்பார்க்காதீர்கள். கட்டாயமாக அவற்றை சிகிச்சை மூலமாகவே அகற்ற முடியும்.

ஒலிவா கிளினிக்கில் உள்ள தோல் மருத்துவர்களைத் தொடர்பு கொண்டு, மாசற்ற சருமத்தைப் பெறுங்கள்.

ஒலிவாவில் வழங்கப்படும் சீக்ரெட் RF மூலம் வழங்கப்படும் சிகிச்சைகள், மார்பகங்கள், இடுப்பு, தொடை, கால்கள், முதுகின் கீழ்ப்பகுதி மேலும் உடலின் பிற பாகங்களிலும் உள்ள விரிதடங்களை மிகத் திறம்பட அகற்றுகின்றன.

சீக்ரெட் RF என்பது பைபோலார் மைக்ரோ நீடிலிங் ரேடியோ ஃப்ரீக்வென்ஸி பயன்படுத்தி வழங்கப்படும் ஒரு சிகிச்சையாகும். இதன் மூலம் சருமத்தின் அடிப்பகுதி சூடாக்கப்படுகிறது. இதன் மூலம் கொலாஜன் சுரப்பும், அவை படிவதும் தூண்டப்படுகிறது. இத்தகைய நிகழ்வுகள் சருமத்தின் கீழ்ப்புற அடுக்குகளில் ஏற்படுகின்றன. மேற்புரத்தில் பாதிப்புகள் ஏற்படாது.

இந்த RF சிகிச்சைக்கு 4 – 8 அமர்வுகள் (Sessions) தேவைப்படலாம். ஒவ்வொன்றுக்கும் இடையில் 1 மாத இடைவெளி இருந்தால் நல்ல பலன்கள் கிடைக்கும். சிறந்த பலன்களைப் பெற இவற்றை வேறு சில சிகிச்சைகளுடன் இணைந்தும் வழங்கலாம். இந்த சீக்ரெட் RF சிகிச்சைக்கு பிறகு பலன்களைப் பெறக் காத்திருக்கவே தேவையில்லை. உடனடியாகவே பலன்கள் தெரிய ஆரம்பிக்கும். சிகிச்சை முடிந்த உடனேயே நீங்கள் இயல்பான நடவடிக்கைகளை மேற்கொள்ளலாம்.

ஒலிவாவில் வழங்கப்படும் சீக்ரெட் RF சிகிச்சை ஒரு எளிய சிகிச்சையாகும். அதிகபட்சமாக 2 மணி நேரத்திற்கு மேல் இதற்குத் தேவைப்படுவதில்லை. பிற சிகிச்சைகளைப் போலவே, இதற்கும் முதலில் தோல் மருத்துவரை சந்தித்து ஆலோசனை பெறுவது அவசியம். உங்கள் மருத்துவப் பின்னணி, விவரங்களைக் கேட்டறிந்து, நேரிலும் உங்களைப் பரிசோதித்து மருத்துவர்கள் விரிதடங்களைப் பற்றி சரியாக அறிந்து கொள்வார்கள்.

பிறகு உங்களை ஒரு தனி அறைக்கு அழைத்துச் செல்வார்கள். அங்கு மருத்துவரும் அவரது உதவியாளரும் மட்டுமே அனுமதிக்கப்படுவார்கள். பாதிக்கப்பட்ட இடத்தை உதவியாளர் நன்கு சுத்தம் செய்வார். அந்த இடம் மட்டும் மரத்துப் போகும் படியாக ஒரு கிரீமைத் தடவுவார்கள். உங்களை மிகவும் வசதியாக உணர வைக்கவும் தொற்று ஏற்படாமல் இருக்கவும் இவ்வாறு செய்யப்படுகிறது.

45 நிமிடங்கள்/ஒரு மணி நேரம் கழித்து, தோல் மருத்துவர் சீக்ரெட் RF சிகிச்சையைத் தொடங்குவார். கைப்பிடி போன்ற பகுதியை விரிதடங்கள் உள்ள பகுதியின் மேல் மிகவும் கவனமாகத் தேய்ப்பார். பாதிக்கப்பட்ட இடம் முழுவதிலும் இது படுகிறதா என்பதை உறுதி செய்வார். இந்த சிகிச்சை 45 நிமிடங்கள் முதல் 90 நிமிடங்கள் வரை வழங்கப்படும். சிகிச்சை முடிந்த பிறகு மீண்டும் அந்தப் பகுதியை உதவியாளர் சுத்தம் செய்வார். 30-40 நிமிடங்களுக்குப் பிறகு நீங்கள் உங்கள் இயல்பான நடவடிக்கைகளைத் தொடங்கலாம். சிகிச்சை முழுவதும் முடிந்ததும், பராமரிப்பிற்கான அறிவுரைகள் வழங்கப்படும். தொடர்ந்து வரவேண்டிய நாட்களும் திட்டமிடப்படும்.

சீக்ரெட் RF மூலம் வழங்கப்படும் இந்த சிகிச்சை சிறிதும் வலியற்றது. சிகிச்சைக்குப் பிறகும் பெரிதாக அறிகுறிகள் எதுவும் இருக்காது. இந்த சிகிச்சையின் போது சருமத்தின் ஆழமான அடுக்குகளிலேயே சிகிச்சைகள் அளிக்கப்படுவதால் மேல் பகுதியில் எவ்வித பாதிப்பும் இல்லை. உடனடியாகவே பலன்கள் கிடைக்கும். சிகிச்சை எடுத்துக் கொண்டதற்கான பெரிய அறிகுறிகளும் இருக்காது.

சிலருக்கு மட்டும் சிகிச்சையை 1 மணி நேரம் எடுத்துக் கொண்ட பிறகு ஒரு கூச்ச உணர்வு ஏற்படலாம். மிகவும் நுட்பமான சருமம் உடையவர்கள் சிலருக்கு சருமத்தில் அந்த இடம் சற்று சிவப்பாகலாம். விரிதடங்களை நீக்குவதற்காக இந்த சீக்ரெட் RF சிகிச்சையை எடுத்துக் கொள்பவர்களில் மிகப் பலர் அடுத்த நாளே வேலைக்குத் திரும்புகின்றனர். எவ்விதமான பாதிப்பும் அவர்களுக்கு இருப்பதில்லை.

ஒலிவாவில் வழங்கப்படும் இந்த சீக்ரெட் RF சிகிச்சையைப் பெறுங்கள். உங்கள் விரிதடங்கள் மாயமாக மறைவதைக் கண்டு மகிழுங்கள். இன்றே எமது தோல் மருத்துவர்களை சந்தித்து ஆலோசனை பெறுங்கள்.

விரிதடங்களை நீக்க இந்த சீக்ரெட் RF சிகிச்சை அதி நவீனமானதாகவும், மிக மேம்பட்டதாகவும் கருதப்படுகிறது. மார்பகங்கள், இடுப்பு, தொடை மேலும் உடலின் பல பகுதிகளிலும் உள்ள விரிதடங்களை இச் சிகிச்சையின் மூலம் நீக்க முடியும்.

இந்த சீக்ரெட் RF சிகிச்சையின் சிறப்புப் பலன்கள் –

• அனைத்து விதமான சரும வகைகளுக்கும் அனைத்து நிறமுடையவர்களுக்கும் பொருந்தும்.
• கொலாஜன் மற்றும் எலாஸ்டின் சுரப்பையும் பரவுதலையும் தூண்டுகிறது.
• பழைய மற்றும் புதிய விரிதடங்களை நீக்குகிறது.
• வலியே இல்லாத சிகிச்சை.
• பலன்களைப் பெற காத்திருக்கத் தேவையில்லை.
• சிகிச்சைக்குப் பிறகு வெளியில் எவ்வித அறிகுறியும் தெரியாது.
• நுட்பமான சருமம் உடையவர்களுக்கும் இச் சிகிச்சையை வழங்கலாம். எளிதில் காயங்கள், வடுக்கள், அடர்நிறத் திட்டுக்கள் போன்றவை ஏற்படக் கூடியவர்களுக்கும் இது பொருந்தும்.

ஒலிவாவில் உள்ள தோல் மருத்துவ நிபுணர்கள், விரிதடங்களை அகற்ற அதிநவீன சீக்ரெட் RF சிகிச்சையை வழங்குகின்றனர்.

ஒலிவாவைத் தேர்ந்தெடுக்க 6 முக்கிய காரணங்கள் –

• கடுமையான வழிகாட்டு நெறிமுறைகளும், விதிமுறைகளும் ஒவ்வொருவருக்கு சிகிச்சை அளிக்கும் போதும் பின்பற்றப்படுகின்றன.
• ஒலிவாவில் உள்ள தோல் மருத்துவ நிபுணர்கள், இவை போன்று சருமம் சார்ந்த பல்வேறு பிரச்சனைகளுக்கு சிகிச்சை வழங்குவதில் மிகப் பல ஆண்டுகள் கைதேர்ந்த அனுபவம் பெற்றவர்கள்.
• சீக்ரெட் RF சிகிச்சை என்பது US FDA ஒப்புதல் பெற்ற சாதனத்தின் மூலம் வழங்கப்படுகிறது. இது பாதுகாப்பானது. அறுவை சிகிச்சை அற்றது. சருமத்தை ஊடுருவிச் செய்யப்படுவதில்லை.
• ஒவ்வொருவருடைய சருமமும் மாறுபட்டது. ஒவ்வொருவரின் சருமத்தின் தேவைகளும் வெவ்வேறானவை. எனவேதான் ஒவ்வொருவருக்கும் விரிதடங்களை நீக்க, தனித்துவமான திட்டங்கள் தயாரிக்கப்பட்டு வழங்கப்படுகின்றன.
• சிகிச்சைகள் தனித்துவத்துடன் மிகுந்த கௌரவமான முறையில், பிறருக்குத் தெரியாதவாறு வழங்கப்படுகின்றன. எனவேதான் ஒவ்வொரு முறையும் ஒவ்வொருவருக்கும் தனித்தனியாக ஆலோசனைகள், தனித்தனி அறைகளில் வழங்கப்படுகின்றன.
• ஒவ்வொரு ஒலிவா கிளினிக்கிலும் உள்ள உலகத் தரம்வாய்ந்த வசதிகள் உங்களை மிகவும் வசதியாகவும் அமைதியாகவும் உணரச் செய்வது உறுதி.